पहिले पहिले त कुनैपनि शारीरिक समस्या वा रोगको उपचारका लागि सर्जरी गरिन्थ्यो । तर अब यो सर्जरी भन्ने कुरा फेसन जस्तै बनेको छ । अझ पश्चिमा समाजमा युवतीहरुबीच यो सर्जरी भन्ने चिजको होडबाजी नै चल्ने गरेको छ ।
कसैले आफ्ना स्तनको आकार बढाउन त कसैले नितम्बको आकार बढाउन समेत सर्जरी गराउने गरेका छन् । सुन्दर देखिनका लागि यस्ता सर्जरी गर्ने सेलिब्रेटीहरु बग्रेल्ती छन् । तर यो दुनियामा यस्ता मान्छे पनि छन् जसले कार्टुनको एक पात्रबाट प्रभावित भएर आफ्नो ओँठलाई कामुक बनाउने भन्दै ओठमा एक सय वटा सुइ लगाउँछन् ।
रुसकको सेन्ट पिटर्सबर्गकी क्रिस्टिना आफैमा नङको सौन्दर्य विज्ञ हुन् । उनमा आफ्नो ओठलाई गुलाबी तथा सेक्सी बनाउने चाहना यति धेरै भयो की उनले ६,२०० डलर तिरेर आफ्नो ओठमा झण्डै १०० पटक सिलिकन इन्जेक्सन लगाइन् ।
आफुलाई आफ्ना ओठ मन नपरेको र कार्टुनकी पात्र जेसिका रेबिटका जस्ता बनाउने इच्छा जागेकाले आफुले ओठमा सुइ लगाएको उनी बताउँछिन् । उनले १७ वर्षकी हुँदा पहिलोपटक ओठमा सुइ हानेकी थिइन् र त्यो सिलसिला वर्षैपिच्छे बढ्दै गयो । हरे भगवान मान्छेका इच्छा पनि कस्ता कस्ता ?
0 comments:
Post a Comment