मर्निङ वाकबाट फर्केकामाथि गोली प्रहार, २ जना गम्भीर घाइते

महोत्तरीको मनरामा हतियारधारी एक समूहले आइतबार बिहान दुई जनाको हत्या प्रयास गरेको छ। ६:३५ बजे भएको अन्धाधुन्ध गोली प्रहारबाट स्थानीय २३ वर्षीय विकास सिंह र २८ वर्षीय शैलेन्द्र मण्डल घाइते भएका छन् । मोर्निङवाकबाट फर्केर चिया पिउन बसिरहेका उनीहरुमाथि एक्कासि आक्रमण भएपछि अन्य स्थानीयको भगदौड भएको थियो। जनकपुरस्थित नागरिकन्युजकर्मी सुरेश यादवका अनुसार मण्डलको पेट तथा सिंहको तिघ्रामा गोली लागेको छ।