१७ बर्षमा नरेश भिडियो निर्देशक, अब सिनेमा पनि बनाउने

१५ बर्ष अघि चर्चित रियालिटी शो ‘आगन’ संचालन गर्दा संचारकर्मी नरेश भट्टराइको क्रेज कुनै सिनेमाको नायकको भन्दा कम थिएन । यसपश्चात विभिन्न रेडियो स्टेशनमा बोल्न थालेपछि त नरेशको आवाज सर्वाधिक चर्चामा रह्यो ।मिडिया क्षेत्रमा लागेको १७ बर्षसम्म उनको आवाजलाई टक्कर दिन कमै मात्र व्यक्तिहरु आए । तर पनि उनको क्रेज र फ्यान संख्या घटेको छैन । १७ बर्षसम्म गीतसंगीत र सिनेमा क्षेत्रका व्यक्तिहरुसँग संगत गर्दा गर्दै अन्तत भट्टराई निर्देशक बनेका छन् । उनले पहिलो पटक म्यूजिक भिडियोको निर्देशन गरेका छन् । आफूले नै बजारमा ल्याउन लागेको दोश्रो सोलो एल्बम ‘हाइट’ मा समावेश ‘तिमी नै हौ मेरो जीवनको आशा’ बोलको गीतको भिडियोलाई नरेशले निर्देशन गरेका हुन् । यो एल्बमको सम्पुर्ण गीतमा नरेशले नै शब्द कोरेका हुन् । गीतले विवाह पश्चात श्रीमान श्रीमती बिच हुने मायालाई देखाउन खोजेको छ । भिडियो निर्देशनमा नरेशलाई प्राविधिक सहयोग संजय पाण्डेले गरेका छन् । भिडियोमा आफ्नै धर्मपत्नी मुना कार्कीर्लाई उनले मोडल बनाएका छन् । उमंग शाहीले छायांकन गरेको भिडियोमा प्रकाश महर्जनको पनि अभिनय छ । यो गीतमा सत्यस्वरुपको संगीत, स्वरुपराज आचार्यको आवाज छ । भिडियोको सम्पादन राजेन्द्र पाण्डेले गर्दैछन् । यसैबिच नरेशले एन.एस प्रोडक्शन हाउस पनि खोलेका छन् ।
संचारकर्मी भट्टराई वि.सं २०७१ सालमा सिनेमाको निर्देशन पनि गर्ने तयारीमा छन् । उनले भने, ‘सबै तयारी पुरा भैसकेको छ, घोषणा गर्न मात्र बाँकी छ ।