नायीका नम्रता श्रेष्ठ जीवनभर बोल्न नसक्ने,

नायिका नम्रता श्रेष्ठ जन्मदै देखि बोल्न नसक्ने भएको सुन्दा तपाइलाई अचम्म लाग्न सक्छ । तर पर्दा भित्र नायिका श्रेष्ठलाई तपाई यस्तै भूमिकामा देख्न सक्नुहुनेछ । चलचित्र ‘मौन’मा नायिका श्रेष्ठको कुनै पनि संवाद बोलेकी छैनन्

यस्तै चलचित्रमा नायक अर्पण थापा पनि यस्तै भूमिकामा देखिदैछन् । चलचित्रको पोष्टर सार्वजनिक तथा नायिका श्रेष्ठको जन्मदिनको अवसर पारेर आयोजना गरिएको एक कार्यक्रममा चलचित्रका निर्देशक सुरज भुषालले यस्तो जानकारी दिएका हुन् ।

नायिका श्रेष्ठले आफ्नो जन्मदिन बालबिद्या मन्दिरमा अध्यनरत बोल्न नसक्ने विद्यार्थीहरुसँग मनाएकी हुन् । जन्मदिनमा केक काट्दै गर्दा नम्रताले भनिन्, ‘आफ्नो जन्मदिन साना साना भाइबैनीहरुसँग मनाउन पाउँदा खुशी लागेको छ ।’ उनले आफ्नो उमेर भने खुलाउन चाहिनन् ।
प्रदर्शन मिति तय भैनसकेको चलचित्र ‘मौन’मा बसन्त भट्ट, शेखर चाँपागाई, अरुणा कार्की लगायतका कलाकारले पनि अभिनय गरेका छन् । चलचित्रमा अर्पण थापाको पटकथा, संजय लामाको छायांकन, निमेष श्रेष्ठको सम्पादन छ ।

‘अ लाउड साउण्ड’ भनिएको यो चलचित्रले दर्शकलाई नयाँ स्वाद दिने निर्माणपक्षको भनाई छ ।